CMVMC San Pedro de Muro

Este sábado, 16 de febreiro de 2008, acudimos a Baroña con motivo da inauguración da rehabilitada Casa Forestal que vai ser a sede da Mancomunidade de montes “Serra do Barbanza”.

Ao acto asistiron autoridades da Consellería do Medio Rural: Alfredo Suárez Canal (Conselleiro de Medio Rural), Olga María García Agra (Delegada Provincial de A Coruña), así como representantes do Sindicato Labrego Galego e das comunidades de montes veciñas.

Oito son as comunidades de montes que están integradas nesta Mancomunidade:

- Xuño, Caamaño, Queiruga, Ribasieira, Baroña, Noal, Miñortos (Porto do Son)

- Santa Cruz de Lesón (A Pobra do Caramiñal) 

Na Asemblea Xeral da Mancomunidade que está prevista para o 23 de marzo vaise a tratar o ingreso de varias comunidades máis, entre elas a nosa:

- Camboño (Lousame)

- San Martiño de Oleiros (Ribeira)

- Nebra, San Pedro de Muro (Porto do Son)

Ademais, parece que outras tres amosaron interese e están estudando a posibilidade de ingresar.