CMVMC San Pedro de Muro

Unha mirada á paisaxe natural e humana da parroquia de San Pedro de Muro

A CMVMC de San Pedro de Muro organiza o seu primeiro concurso fotográfico

Bases do I concurso fotográfico “Calcomanías de Muro”:

. 

PRIMEIRO

Apartado 1

Poderán participar neste concurso tódalas persoas que o desexen, con fotografias orixinais e inéditas do entorno de Muro. O tema das mesmas é libre, aínda que se valorarán especialmente aquelas cunha temática centrada na paisaxe natural e humana da zona.

Cada participante poderá concursar cun máximo de 4 fotografías.

Apartado 2

Poderán participar neste concurso tódalas persoas que desexen compartir fotos antigas en posesión, cunha temática localizada na zona de Muro. O tema das mesmas é libre, aínda que se valorarán especialmente aquelas nas que se mostren paisaxes de Muro ambientadas en outras épocas, ou fotos que presenten grupos de persoas veciños e veciñas da parroquia.

.

SEGUNDO

As fotografías poden presentarse en dous formatos:

Formato dixital: Os/as participantes deben enviar as súas fotos (con calidade de impresión) á dirección de correo electrónico: cmsampedro@yahoo.es . O prazo de recepción das obras exténdese ao longo do mes de maio, rematando o día 31.

Fotografías en papel: As fotos impresas en papel serán recollidas o 31 de maio na casa de cultura de Muro. O horario de recollida será de 10:00h a 14:00h e de 16:00h a 20:00h.

 .

TERCEIRO

Cada fotografía debe ir perfectamente identificada co título, ademais deberá contar co nome e apelidos do/a autor/a, DNI, domicilio, teléfono e de ser posible, correo electrónico.

.

CUARTO

A data límite de presentación das obras será o 31 de maio de 2008. Quedan excluídos todos aqueles traballos que sexan recibidos despois da data límite.

. 

QUINTO

O xurado estará formado por Miguel Harguindey Vidal, Premio Luís Ksado 2006; Esteban R. Leyton, fotógrafo aficionado que ben de participar en varias exposicións e concursos.

Establécense os seguintes premios:

1º premio: cámara dixital

2º premio: walki-talkies

3º premio: estación meteorolóxica

Os premios fallaranse o día 6 de xuño, quedando as fotos gañadoras en propiedade da CMVMC de San Pedro de Muro.

. 

SEXTO

Coa presentación das obras ao concurso, os/as participantes aceptan implicitamente compartir os dereitos de utilización das fotografías coa entidade organizadora do evento (CMVMC de San Pedro de Muro).

.

SÉTIMO

A participación neste concurso supón a plena aceptación das Bases.

.

Máis información:

teléfono: 661581723

correo electrónico: cmsampedro@yahoo.es