Establecida a época de perigo alto de incendios forestais
xuño 29th 2008 by anxos in De intereseOrde do 19 de xuño de 2008 pola que se determina a época de perigo alto de incendios.
O artigo 9 da Lei 3/2007, do 9 de abril, de prevención e defensa contra os incendios forestais de Galicia establece que, en consideración cos antecedentes históricos sobre o risco de incendios forestais de Galicia e sobre a incidencia das variables forestais do comportamento do lume, a consellería con competencias en materia forestal definirá a época de perigo que condicionará a intensidade das medidas que se adoptarán para a defensa do territorio de Galiza.
Declárase como época de perigo alto de incendios forestais durante 2008 a comprendida entre o 1 de xullo e o 30 de setembro.