Incendios
Se ves lume, chama ao…
085 (incendios)
900 400 800 (teléfono en defensa do monte galego)
Para dar alarma de actividade incendiaria chama ao…
Qué debemos decir?
- nome do monte, lugar e concello
- cor do fume, forza estimada e dirección do vento que podemos deducir da inclinación da columna de fume
- observar se arde mato ou monte arborado
- estimar a previsible dirección da cabeza do lume e informar de se nesa dirección hai vivendas ou estradas
.
.
Índice de risco diario de incendio forestal
O índice de risco diario de incendio forestal establece, para cada unha das épocas de perigo, o risco diario de ocorrencia de incendio forestal, cuxos niveis son baixo (1), moderado (2), alto (3), moi alto (4) e extremo (5).
Para o establecemento do índice de risco diario de incendio tense en conta a conxunción dos seguintes factores: a situación meteorolóxica, o estado da biomasa vexetal, o estado das infraestruturas preventivas das masas arbóreas e o estado do solo.
Para consultar o IRDI preme no seguinte enlace: http://mediorural.xunta.es/forestal/irdi/
.
.
Follas divulgadoras
As follas divulgadoras editadas pola Consellaría do Medio Rural teñen a misión de contribuír á difusión das campañas e medidas adoptadas dende a Administración canto á reordenación, defensa contra incendios e posta en valor do monte galego.
Unidades de xestión forestal: Procedementos para crear unha unidade de xestión forestal, características e vantaxes destas entidades.
Redes de faixas de xestión de biomasa e incendios forestais: Faixas de xestión de biomasa, redes primarias e secundarias, zonas de alto risco e responsábeis da limpeza.
Silvicultura preventiva, ordenación de plantacións e incendios forestais: Silvicultura preventiva contra incendios forestais, descontinuidade horizontal e vertical e ordenación das plantacións.
Infraestruturas e incendios forestais: Áreas de limpeza obrigatoria en estradas, autoestradas e rede ferroviaria segundo o tipo de vía.
Vías, camiños e incendios forestais: Obrigas de limpeza nas vías e nos camiños, xustificación da necesidade e beneficios.
Permisos de queimas, usos do lume e incendios forestais: Solicitudes e permisos, tipos de queimas e teléfonos de información.
Limitacións ás actividades no monte en prevención dos incendios forestais: Índice de risco diario de incendio forestal, consellos e limitacións das actividades profesionais.
.
Teléfonos de información
Delegacións provinciais da Consellería do Medio Rural
A Coruña 981 18 45 33
Lugo 982 29 45 27
Ourense 988 38 64 55
Pontevedra 986 80 54 58